Ariketaren Laburpen Laburra
Ariketa honen bidez taldekideek formakuntza saioak eskaintzen ari den irrati-komunitarioen printzipio eta xehetasunen garrantziaz jabetuko dira.
Ariketa Honen Helburua
Irratiaren baloreak ezagutzea eta irrati-komunitario batek beste komunikabide batzuekin alderatuz dauzkan ezberdintasunak identifikatzea.
Espero diren Ikasketen Emaitzak
Ariketa amaitzean partehartzaileek jakin behar dute honakoez: 1. Irrati-komunitarioen rola komunikabideen panorama orokorraren baitan 2. Sare nazionalaren/eskualdekoaren inguruko oinarrizko ezagutza 3. Oinarrizko ezagutza AMARC eta CMFE 4ren inguruan.
Beharrezko Esperientzia eta Trebetasunak
Komunikabideen, eta bereziki komunitarioen, inguruko ezagutza zabala (historia, legezko egoera, kateak), aholkulari gisa jarduten jakitea, jardueraren muina eztabaida irekia baita batez ere.
Azpiegitura eta Ekipamendu Teknikoak
Formazio gela eta aulkiak.
Ariketa Iraupena
90 minutuz
Material
Proiektorea eta interneterako konexiodun ordenagailua, paperezko arbela eta errotulagailuak, irrati-komunitarioen eskuorriak eta/edo AMARC eta CMFErenak, eskualdeko komunikabide komunitarioen historiari buruzko oinarrizko azalpena. Grabagailua (aukerakoa).
Ariketa Ikastaroa
Hezitzaileak gidaturiko mahainguru gisako eztabaidari ekin, herrialdeko komunikabideen inguruan – Zerk sortzen du komunikabidea (zerbitzu publikoa, tokikoa eta nazionala, komertziala, egunkariak, telebista, irratia, komunikabide berriak, nork daukan horien jabetza, zer eskaintzen duten, zein den komunikabide herrikoien rola testuinguru horretan – zer dakiten irrati-komunitarioez. Helburua ikasleei komunikabideek orokorrean, eta irrati-komunitarioek bereziki, daukaten izateko arrazoiaren eta funtzioaren inguruan hausnartuaraztea da. Partehartzailearen profilaren araberako galderak egin, erantzunen bila. Zer kusten duzu telebistan, nondik jasotzen dituzu albisteak eta abar. Eztabaidatu ostean, hezitzaileak bere irrati-komunitarioaren historiari buruzko aurkezpen labur bat egin dezake. Oharra: erabilgarria izan daiteke irratiaren hastapenetatik eta denbora luzez bolondres jardun duen norbait ekartzea hau egiteko. Hezitzailearentzat informazioa: aurkezpenak irratia noiz eta nola hasi zen, hasierako ikuspegia, horretarako motibazioa, haiserako esperientziak, logistika, hala nola kokapena, ekipamendua, bolondresak, finantziazioa eta abar azaldu beharko lituzke besteren artean. Pena merezi lezake baita ere legeztatzea eta erregulazioa aipatzeak (lizentzia eskuratzeak nola egiten diren, eta zein diren baldintzak hori zein finantziazioa lortzeko). Copyrighta aipatzea gomendagarria da atal honetan. Saioa bukatzeko, eskualde zein nazio mailako eta nazioarteko irrati sare eta elkarteen inguruko informazioa aipa daiteke, AMARC edo CMFE elkarteei buruzkoa esate baterako, eta/edo horiei buruzko informaziodun eskuorriak banatu. Alternatiba: eskura dauden bideoak erabili, honako helbidean aurkitzen dena esaterako: http://vimeo.com/22394163, http://www.youtube.com/watch?v=u5O0gfdL304
Entrenatzaile bakoitzeko gehienezko parte-hartzaile kopurua
10 (ikusmen urritasuna edota ikasteko zaitasunak dauzkatenekin, 4 hezitzaileko).
Aldakuntzak
Eztabaida grabatu egin daiteke, editatu eta fitxategia sortu ikusmen urritasuna daukatenentzako tresna modura. Eskuorriak emailez bidal dakizkieke taldekideei.
Hezitzaileentzako Aholkuak
Partehartzea sustatu eztabaidan. Partaideak adi mantetzeko galderak luzatu horiei.
Parte-hartzaile
Aparteko eskakizunik gabe.
Ikaskuntzaren arrakasta egiaztatzea
Zure erakundearen baloreei loturiko hiru elementu gako aipatzeko gai al dira partaideak? Eskualdeko zein nazio mailako elkarteak eta nazioartekoak aipa al ditzakete?
Ariketa ikastaroko kurtsoan sartzen da
Formazioaren sarrera. Editorialaren erabakiak, ikerketa iturriak edota edukien produkzioan kontutan hartzen diren baloreak ulertzeko garrantzitsua da irratiaren printzipioak zein diren ulertzea. Diren eskualdeko, nazio mailako zein nazioarteko elkarte eta sareei buruzko eskuorriak presta ditzake formatzaileak horien webguneetan arakatuz. Europako AMARCi buruzko informazioa amarceurope.eu helbidean. CMFEri buruzkoa cmfe.org helbidean.