Ariketaren Laburpen Laburra
Lotsa galtzeko ariketa gisa funtzionatzen du, musika nahasketaren eta eztabaidaren eraginez, irrati komertzial eta publikoetako musika programen zatiak erreproduzituko baitira, gero horiez eztabaidatzeko taldekideen artean.
Ariketa Honen Helburua
Musika-kate komertzialek gure bizitzan daukaten eraginaz, industria musikalaren ekoizpen eta salmenta interesez eta entzuleek musika irratsaioez espero dutenaz jardutea.
Espero diren Ikasketen Emaitzak
• Irrati-kate musikalek gure bizitzan daukaten eragina ulertzea • Jartzen ditugun abestiei buruzko informazioa ematearen garrantziaz konturatzea • Entzuleriarentzat musika zerk bihurtzen duen garrantzitsu aztertzea (Masen manipulazio mota bat al da hau? Zein eragin daukate elkarrekintza sozialetan?). • Musikaren industriak ekoizteko eta saltzeko daukan interesa ikusaraztea, eta ea zigilu independenteek bestela jarduten duten hausnartzea • Irratsaio batean musikak betetzen duen funtzioari buruz hausnartzea.
Azpiegitura eta Ekipamendu Teknikoak
Soinu erreprduzitzailea (ordenagailua, mp3, bozgorailuak).
Ariketa Iraupena
60 minutuz.
Material
2 minutuko zatiak, irrati publiko eta komertzialetako irratsaioetatik.
Ariketa Ikastaroa
Partehartzaileek eskualdeko/herriko irrati-etxeko 5 abesti entzungo dituzte (ez da derrigorrezkoa zuzenean izatea – 2 minutuko puskak entzuteak nahikoa behar luke). Abesti bakoitzaren ostean eztabaidatu egingo dute: Inork ezagutzen al du abestia? Zein talde da? Zein urtetakoa da? Zerk sinetsarazten digu hori? Zergatik grabatu zen abesti hori? Zein zen artistaren helburua abesti hori grabatuta? Nork jarriko luke abestia irrati-komunitarioan? Zergatik? Zergatik ez? Salbuespenik ba al dago? Galdera zerrenda askoz luzeagoa izan liteke.
Arriskuak eta ariketa aldaketa posibleak
Ariketa aspergarria astuna bihurtzen da abesti gehiegi jarriz gero. Bostekin nahikoa eta sobera behar luke izan. Adi! Musikaz eztabaidatzea oso teorikoa eta sasijakituriazkoa bihur daiteke. Gehi: musika gai emozionala da!
Aldakuntzak
• Partaideei 70 eta 80ko hamarkadetako abesti sortak prestatzeko eskatu. Zer nola entzungo zen gaur egun? Hitzen zein atal dira oraindik esanguratsuak? Zein instrumentu edo ekoizpen-efektu erabiliko lirateke gaur egun?
Hezitzaileentzako Aholkuak
Galderen erantzunak paper handi batean jaso beharko lirateke parekotasunez eta aldeez ohartzeko.
Parte-hartzaile
Ez du aparteko ezagutza edo abileziarik behar ariketak. Ez da egokia haurrekin egiteko.
Ikaskuntzaren arrakasta egiaztatzea
Abesti bildumaren arabera, hainbat ikuspegi eman daitezke: • Zein funtzio daukate musika irrati komertzialek gure bizitzan? Sarritan kanta pila ezagutzen ditugu baina ez dakigu horien izena ezta norena diren ere. Benetan al da ezagutza falta bat hori? Informazio garrantzitsua falta al zaigu? • Ba al dago musika moderno izenda daitekeenik? Zer esan nahi du? Ba al dago soinurik besteak baino interesgarriagotzat jo dezakegunik? Ba al dago jeinutzat jo dezakegunik? Edo gizarte manipulazioa da? Zerk eragiten du gizarte eraldaketan? Galdera hauek musika estiloei buruzko eztabaida baten hasiera izan daitezke. Zergatik hasi zen 70eko hamarkadan musika elektronikoa eta 90ekoan ezagun bihurtu technoarekin? Zer zen hip hopa 80ko hamarkadan – zer da egun? Zein da 60ko hamarkadako eta joan den hamarkadako folkaren arteko ezberdintasuna? • Zergatik grabatzen dute artistek (edo ekoizleek edo konpainiek) musika? Zergatik jartzen dute musika? Zein beharrizani erantzuteko? Ikuskizun soila al da? Edota dirua edo ospea? Ba al dauka mezurik? Musikagintzan diharduen industriara bidera daiteke eztabaida. Bestelako moduak al dituzte zigilu independenteek? • Ba al dago abestirik erabat ergela, aspergarria edo graziarik gabea?Zein ezaugarrik bihurtzen du abesti bat arbitrario edo zozo, edota interesgarri, berri, liluragarri? Musikaren erabilerari buruz jarduteko erabil daitezke galdera hauek Zeun funtzio betetzen du musikak gure saioan?